ວົງການບັນເທີງລາວເປີດກວ້າງ ສິລະປິນມາກຫນ້າຫລາຍຕາ ໄອມິວສິກນຳເຄື່ອງດົນຕີມາຈຳຫນ່າຍ

 

ໂດຍ: ບຸນທຽມ

ປະຈຸບັນ ວົງການບັນເທີງລາວເປີດກວ້າ ງມີການພົວພັນກັບຫລາຍພາກສ່ວນ ເຊິ່ງມັນສະແດງອອກໃນການສ້າງຕັ້ງ ຄ້າຍເພງນັກສິລະປິນມາກຫນ້ າຫລາຍຕາຫລ້າສຸດ ບໍລິສັດໂປຣ ເຟດເຊິນໂນມິວສິກກອກ ໂປເຣເຊິນລາວຈຳກັດເປີດຕົວແທນ ຈຳຫນ່າຍເຄື່ອງດົນຕີຍີ່ຫໍ້ຢາມາຮາ (YAMAHA) ຈາກປະເທດຍີ່ປຸ່ນມາຈຳຫນ່າຍ ຢູ່ລາວພ້ອມທັງຝຶກສອນໃຫ້ ເປັນມືອາ ຊີບ.

ທ່ານ ວິເພັດ ສີຫາຈັກຄຣ ປະທານຜູ້ບໍລິຫານບໍລິສັດ ໂປຣເຟດເຊິນໂນມິວສິກກອກ ໂປເຣເຊິນລາວຈຳກັດທັງເປັນຜູ້ບໍລິຫານ ຮ້ານໄອມິວສິກກ່າວວ່າ: ປະຈຸບັນຄວາມຕ້ອງການທາງ  ດ້ານສິລະປະດົນຕີ  ແບບສະໄຫມໃຫມ່ກຳລັງ ໄດ້ຮັບຄວາມນິຍົມຫລາຍຢູ່ໃນ ສັງຄົມລາວໃນປະຈຸບັນ ໂດຍສະເພາະແມ່ນກຸ່ມໄວຫນຸ່ມ ທີ່ມີຄວາມຝັນຢາກເປັນສິລະປິນ ແລະ ເພື່ອສົ່ງ ເສີມເພງລາວໃຫ້ມີຄຸນນະພາບສູງ ແລະ ໄດ້ມາດຕະຖານສາກົນ. ດັ່ງນັ້ນເຄື່ອງດົນຕີເປັນອຸປະກອນ ທີ່ມີຄວາມຕ້ອງການສູງເພື່ອປະກອບ ສ່ວນເຂົ້າໃນການສ້າງຄວາມຝັນ ຂອງພວກ ເຂົາເຈົ້າໃຫ້ກາຍເປັນຈິງ.

ນັບແຕ່ປີ 2000 ເປັນຕົ້ນມາວົງການດົນຕີລາວສະໄຫມໃຫມ່ເລີ່ມມີບົດບາດໃນສັງຄົມລາວຍ້ອນມີການສະຫນັບສະຫນູນສົ່ງເສີມຈາກພາກສ່ວນທີ່ກ່ຽວຂ້ອງເວົ້າລວມເວົ້າສະເພາະ ແມ່ນບັນດານັກສິລະປິນອາວຸໂສແລະກະຊວງຖະແຫລງຂ່າວ, ວັດທະນະທຳແລະທ່ອງທ່ຽວທັງນີ້ກໍ່ເພື່ອສົ່ງເສີມໃຫ້ຄົນລາວໂດຍສະເພາະໄວຫນຸ່ມໄດ້ຮູ້ຈັກຮັກສາວັດທະນະທຳ ຂອງລາວທາງດ້ານສິລະປະດົນຕີໃຫ້ຫັນມາຟັງ  ແລະ ສົ່ງເສີມເພງລາວ.

ທ່ານປະທານຜູ້ບໍລິຫານໄອມິວສິກກ່າວອີກວ່າ: ເພງລາວສະໄຫມໃຫມ່ໃນປະຈຸບັນ ແມ່ນມີຫລາກຫລາຍສີສັນແຕກຕ່າງ ກັບເມື່ອກ່ອນ, ເຖິງແມ່ນວ່າຈະຍັງບໍ່ທັນທຽບ ເທົ່າສາ ກົນແຕ່ຖ້າຫາກມີການ ປະກອບສ່ວນຕື່ມອີກຈາກ ນັກທຸລະກິດ ແລະ ທຸກພາກສ່ວນທີ່ກ່ຽວຂ້ອງແລ້ວ ວົງການດົນຕີລາວຈະມີບົດບາດໃນ ສາກົນຢ່າງແນ່ນອນ.

ເຫດຜົນທີ່ໄອມິວສິກນຳເຄື່ອງດົນຕີ ຍີ່ຫໍ້ຢາມາຮາ (YAMAHA) ມາຈຳຫນ່າຍຢູ່ສປປລາວ ເຊື່ອວ່າປະຈຸບັນປະເທດເຮົາພ້ອມແລ້ວ ທີ່ຈະກ້າວເຂົ້າໄປສູ່ມິຕິໃຫມ່ແຫ່ງການ ພັດທະນາວົງ ການດົນຕີລາວ.

ປະຈຸບັນອຸດສາຫະກຳດົນຕີ ເພງຂອງລາວໄດ້ມີການເປີດກ້ວາງ ມີການພັດທະນາຫລາຍຂຶ້ນເຊິ່ງ ສະແດງອອກໃຫ້ເຫັນໃນການ ສ້າງຕັ້ງຄ້າຍເພງ, ນັກສິລະປະ ແລະ ອື່ນໆວົງການ ເພງລາວໃນປະຈຸບັນ ໄດ້ຄົ້ນພົບຕົນເອງວ່າກຳລັງ ຕ້ອງການຫຍັງເພື່ອຈະມາພັດ ທະນາຄຸນນະພາບຫລາຍກວ່າເກົ່າ.

ຕາມເປົ້າຫມາຍໄອມິວສິກ ຈະເປັນຜູ້ນຳຫນ້າໃນການເສີມສ້າງ ເພງລາວຢູ່ໃນແຖວຫນ້າຂອງອາຊີ ແນວຄິດສ້າງສັນແລະດີເລີດ ໃນການຜະລິດເພງດ້ວຍ 5 ແບບແຜນຍຸດທະສາດຄື:

1. ສະຫນອງອຸປະກອນ ດົນຕີທີ່ທັນສະໄຫມ iMusic.

2. ການສຶກສາທາງດ້ານ ດົນຕີiMusic School.

3. ສະຫນອງອາຊີບ iMusic Professional Supply.

4. ຫ້ອງບັນທຶກສຽງ ແບບມືອາຊີບ iMusic Recording Studio.

5. ລະບົບການບໍລິການ ສຽງແບບມືອາຊີບ iMusic Sound.

ຜະລິດຕະພັນເຄື່ອງດົນຕີຍີ່ຫໍ້ “YAMAHA”  ທີ່ນຳເຂົ້າມາເປັນເຄື່ອງດົນຕີ ມີຄຸນນະພາບລະດັບສາກົນ, ມີຫລາກຫລາຍປະເພດເພື່ອ ຕອບສະຫນອງຄວາມຮຽກຮ້ອງ ຕ້ອງການຂອງ ລູກຄ້າເຊັ່ນ: ເປຍໂນ, ກີຕາ, ເຄື່ອງເປົ່າ, ຄີບອດແລະກອງລວມທັງ ອຸປະກອນເຄື່ອງສຽງ.

 

“ປາຍທາງ” ຮູບເງົາລາວເປີດຕົວສາຍຢ່າງເປັນທາງການ

 

ໂດຍ: ສຸກວິໄລ

   ຮູບເງົາ “ປາຍທາງ” ສ້າງໂດຍທີມງານລາວນິວເວບ ຊີນີມາກ່ອນຫນ້ານີ້ທີມງານຂ່າວເສດຖະກິດ-ສັງຄົມເຄີຍນຳສະເຫນີ ຈະລົງຈໍໃຫຍ່ສາຍໃນວັນທີ 22 ກຸມພາ 2012 ທີ່ສູນການຄ້າລາວ-ໄອເຕັກຫລ້າສຸດໄດ້ມີພິທີເປີດຕົວ ສາຍຢ່າງເປັນທາງການໃນທົ່ວປະເທດ ນັບແຕ່ເດືອນຫນ້າເປັນຕົ້ນໄປ.

ພິທີເປີດຕົວຮູບເງົາປາຍທາງໄດ້ຈັດຂຶ້ນ ໃນຕອນບ່າຍຂອງວັນທີ 20 ມັງກອນ 2012 ຜ່ານມາທີ່ຮ້ານອາຫານຂອບໃຈເດີ ໃຫ້ກຽດເຂົ້າຮ່ວມຂອງທ່ານ ສົມສະຫນຸກ ມີໄຊ ຮອງປະທານສະ ມາຄົມນັກຂ່າວແຫ່ງສປປລາວ, ມີທີມນັກສະແດງ, ບັນດາສື່ມວນຊົນ ແລະ ພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ.

ທ່ານ ອານີໄຊ ແກ້ວລາ ຫົວຫນ້າທີມຂ່າວນິວເວບຊີນີມາທັງເປັນ ຜູ້ກຳກັບສ້າງຮູບເງົາປາຍທາງກ່າວວ່າ: “ປາຍທາງ” ເປັນຮູບເງົາປະເພດລະທຶກຂວັນ  ເຊິ່ງຈະນຳສະເຫນີກ່ຽວກັບຄວາມ ຫລຸດໂຕນກັນລະຫວ່າງຊົນຊັ້ນໃນລາວ, ຄວາມສຳພັນລະຫວ່າງພໍ່, ແມ່, ລູກ ແລະ  ຜົນຂອງການປະພຶດຂອງກຸ່ມໄວຫນຸ່ມ ເຊິ່ງນຳສະແດງ ໂດຍທ້າວ ຂຸນຄຳສິດທິຍົນຮັບບົດເປັນສິນ, ທ້າວຄຳຮູ້ພັນລືເດດຮັບບົດເປັນລັດ, ນາງທິບພະເກສອນ  ມີໄຊບົວຮັບບົດເປັນມຸກ, ນາງວາດສະຫນາໄຊອຸດົມຮັບບົດ ເປັນເມຍລັດ ແລະ ນາງລຸ້ງນ້ຳເກົ້າສາຍນ້ຳອາຍຸ 7 ປີ ເຊິ່ງເປັນດາວດວງ ໃຫມ່ຂອງວົງການບັນເທີງລາວ ຮັບບົດເປັນລູກສາວລັດ.

ທ່ານ ອານີໄຊ ກ່າວຕື່ມອີກວ່າ: ເລື່ອງຮູບເງົາປາຍທາງເກີດຈາກ ຄົນສອງຄົນລະຫວ່າງ “ສິນ” ຊາຍຫນຸ່ມຜູ້ທີ່ມີຖານະລ້ຳລວຍ,  ລາວຖືກພໍ່ແມ່ຕາມໃຈແຕ່ຍັງນ້ອຍ ຈົນເຮັດໃຫ້ລາວກາຍເປັນ ຄົນທີ່ຫລິ້ນກິນຟຸມເຟືອຍ, ບໍ່ເຫັນຄວາມສຳຄັນຂອງການ ສູ້ຊີວິດລ້ຽງຕົນເອງ ແລະ ມີນິໄສອວດເກ່ງໄປທົ່ວ, ສ່ວນ“ລັດ” ຊາຍປາກກືກມາແຕ່ບ້ານນອກ ເຂົ້າມາໃນເມືອງເຮັດວຽກຫາເງິນໂດຍ  ການເປັນຊ່າງແປງລົດຈັກໃນວຽງຈັນ ເຊິ່ງລັດມີເມຍເປັນແມ່ຄ້າຂາຍຜັກ ໃນຕະຫລາດມີລູກສາວໄວຫົກປີ ກຳລັງເປັນຕາຮັກ ແລະ ຂີ້ດື້ເຖິງແມ່ນວ່າຖານະຄອບຄົວ ຂອງລັດຈະບໍ່ດີປານໃດແຕ່ ລັດ ແລະ ຄອບຄົວກໍ່ໃຊ້ຊີວິດຮ່ວມກັນຢ່າງມີຄວາມສຸກ.

ສ່ວນເລື່ອງລາວທີ່ຈະພາໃຫ້ສິນ ແລະ ລັດໂຄຈອນມາພົບກັນ ແລະ ຈະເປັນແນວໃດນັ້ນຂໍເຊີນມວນຊົນກໍ່ຄື ຊາວນະຄອນຫລວງວຽງຈັນຕິດຕາມຊົມ ຮູບເງົາເລື່ອງນີ້ທີ່ຈະລົງຈໍໃຫຍ່ສາຍຢ່າງ ເປັນທາງການໃນວັນທີ 22 ກຸມພາ2012 ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ ແລະ ທີ່ສູນພາສາຝຣັ່ງໃນວັນທີ 25 ກຸມພາ 2012. ນອກນີ້ຈະສາຍທີ່ມະຫາວິທະຍາໄລແຫ່ງ ຊາດ ແລະ ເທດສະການຮູບເງົາໃນຂອບເຂດທົ່ວ ປະເທດທ່ານອານີໄຊກ່າວ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s