ຕາມຂ່າວວິທະຍຸສາກົນ ແຫ່ງປະເທດຈີນ, ເມື່ອບໍ່ດົນມານີ້, ຄະນະລັດຖະມົນຕີຈີນ ໄດ້ຈັດງານສະເຫລີມ ສະຫລອງວັນຊາດ ຄົບ ຮອບ 63 ປີ ໂດຍມີຜູ້ນຳພັກກອມມູນິດ ແລະ ລັດຖະບານຈີນ ແລະ ພາກສ່ວນຕ່າງໆທາງພາຍໃນ ແລະ ຕ່າງປະເທດ ຈຳນວນ 1.200 ຄົນເຂົ້າຮ່ວມ.
ທ່ານ ເວີນເຈຍປາວ, ນາຍົກລັດຖະມົນຕີຈີນ ກ່າວວ່າ: ພາຍຫລັງຈີນໄດ້ສະຖາປະນາປະເທດເປັນສາທາ ລະນະລັດ ປະຊາຊົນຈີນ ແລະ ຫລັງຈາກໄດ້ດຳເນີນນະໂຍບາຍການປະຕິຮູບ ແລະ ເປີດປະຕູສູ່ພາຍນອກເປັນຕົ້ນມາ ເຮັດໃຫ້ບົດບາດແລະໂສມໜ້າຂອງຈີນ ມີການປ່ຽນແປງຢ່າງຫຼວງຫຼາຍ ໂດຍສະເພາະແມ່ນເສດຖະກິດຈີນ ຈະເລີນເຕີບໂຕຂຶ້ນໆຢ່າງບໍ່ຢຸດຢັ້ງ, ພ້ອມກັນນັ້ນ ຍັງເຮັດໃຫ້ຊິວິດການເປັນຢູ່ຂອງປະຊາຊົນຈີນ ດີຂຶ້ນເລື້ອຍໆ ແລະ ມີບົດບາດສຳຄັນໃນເວທີສາກົນ.
ທ່ານ ເວີນເຈຍປາວ ກ່າວວ່າ ຈີນຈະຢຶດໝັ້ນນະໂຍບາຍການປະຕິຮູບ ແລະ ເປີດປະເທດສູ່ພາຍນອກ, ລວມເຖິງນະໂຍບາຍການຕ່າງປະເທດສັນຕິພາບ, ເປັນອິດສະຫຼະ ແລະ ເປັນເຈົ້າຕົນເອງຕໍ່ໄປ, ຈະປົກປ້ອງອະທິປະໄຕ ແລະ ບູລະນະດິນແດນຢ່າງເດັດ ດ່ຽວ ແລະ ໝັ້ນຄົງ. ຄຽງຄູ່ກັນນັ້ນ ຈະເພີ່ມທະວີຮ່ວມມືກັບປະເທດຕ່າງໆ ເພື່ອສ້າງຄວາມຜາສຸກໃຫ້ແກ່ປະຊາຄົມໂລກ./.