ການເໜັງຕີງຂອງລາຄານຳ້ມັນໃນຕະຫລາດອາຊີ ແລະ ໂລກ

Standard
ການເໜັງຕີງຂອງລາຄານຳ້ມັນໃນຕະຫລາດອາຊີ ແລະ ໂລກ

ນັກ​ວິ­ເຄາະ​ກ່ຽວ​ກັບ​ລາ­ຄາ​ນ້ຳ­ມັນ​ຂອງ​ສິງ­ກະ­ໂປ ກ່າວ​ວ່າ: ລາ­ຄາ​ນ້ຳ­ມັນ​ປັບ​ໂຕ​ຫລຸດ​ລົງ​ໃນ​ຕະ­ຫລາດ​ອາ­ຊີ ໃນ​ວັນ​ທີ  7 ສິງ­ຫາ​ນີ້, ເນື່ອງ​ຈາກ​ນັກ​ລົງ­ທຶນ​ພາ­ກັນ​ເທ​ຂາຍ​ຫາ​ກຳ­ໄລ​ຈາກ​ລາ­ຄາ​ນ້ຳ­ມັນ​ທີ່​ພຸ່ງ​ຂຶ້ນ​ໃນ​ຕະ­ຫລາດ​ນິວ​ຢອກ ໂດຍ​ບລາ​ຄາ​ນ້ຳ­ມັນ​ດິບ ເວ​ສ​ເທັກ​ຊັສ (WTI) ແພງ​ຂຶ້ນ​ສູງ​ສຸດ​ໃນ​ຮອບ 11 ອາ­ທິດ.

ລາ­ຄາ​ນ້ຳ­ມັນ​ດິບ WTI  ສັນ­ຍາ​ສົ່ງ-ມອບ​ເດືອນ​ກັນ­ຍາ​ຫລຸດ​ລົງ 26 ເຊັນ ເປັນ 91,94 ໂດ​ລາ​ສະ­ຫະ­ລັດ/ບາ​ເຣນ, ສ່ວນ​ລາ­ຄາ​ນ້ຳ­ ມັນ​ດິບ​ເບຣນ ສັນ­ຍາ​ສົ່ງ-ມອບ​ເດືອນ​ດຽວ​ກັນ​ກໍ​ຫລຸດ​ລົງ 19 ເຊັນ ເປັນ 109,36 ໂດ​ລາ​ສະ­ຫະ­ລັດ/ບາ​ເຣນ. ລາ­ຄາ​ນ້ຳ­ມັນ WTI ພຸ່ງ​ຂຶ້ນ​ໄປ​ຢູ່​ທີ່92,20 ໂດ​ລາ​ສະ­ຫະ­ລັດ ເປັນ​ລະ­ດັບ​ສູງ​ສຸດ ນັບ​ຕັ້ງ­ແຕ່​ວັນ​ທີ 21 ພຶດ­ສະ­ພາ​ຜ່ານ​ມາ ຍ້ອນ​ພາ­ຍຸ​ເຂດ​ຮ້ອນ​ທີ່​ກາຍ­ ເປັນ​ເຮີ​ຣິ​ເຄນ ບໍ­ລິ­ເວນ​ແຫລ່ງ​ນ້ຳ­ມັນ​ໃນ​ອ່າວ​ເມັກ​ຊິກ. ກ່ອນ​ຫນ້າ​ນີ້, ມີ​ລາຍ​ງານ​ຕົວ​ເລກ​ການ​ຈ້າງ​ງານ​ໃນ ສ.ອາ­ເມ­ລິ­ກາ ດີ​ຂຶ້ນ ແລະ​ຄາດ​ຄະ­ເນ​ວ່າ​ທະ­ນາ­ຄານ​ກາງ​ເອີ​ຣົບ ອາດ​ວາງ​ມາດ​ຕະ­ການ​ບັນ­ເທົາ​ວິ​ກິດ​ການ​ຢູ​ໂຣ​ໂຊນ​ໃນ​ໄວໆ​ນີ້, ເຊິ່ງ​ມີ​ສ່ວນ​ຊ່ວຍ​ກະ​ຕຸ້ນ​ໃຫ້​ມີ​ກຳ­ລັງ​ຊື້​ນ້ຳ­ມັນ​ເຂົ້າ​ມາ​ຫລາຍ​ຂຶ້ນ./.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s