ຄະນະຜູ້ແທນສະພາແຫ່ງຊາດກຳປູເຈຍ ສຳເລັດການຢ້ຽມຢາມ ສປປ ລາວ

Standard
Divider
ຄະນະຜູ້ແທນສະພາແຫ່ງຊາດກຳປູເຈຍ ສຳເລັດການຢ້ຽມຢາມ ສປປ ລາວ

 

ວັນ​ທີ 6 ຕຸ­ລາ 2012 ທີ່​ສະ­ພາ​ແຫ່ງ​ຊາດ ທ່ານ ສົມ​ພັນ ແພງ​ຄຳ​ມີ ຮອງ​ປະ­ທານ​ສະ­ພາ​ແຫ່ງ​ຊາດ ໄດ້​ໃຫ້​ກຽດ​ຕ້ອນ­ຮັບ​ການ​ເຂົ້າ​ຢ້ຽມ​ຂ່ຳ­ນັບ​ຂອງ​ທ່ານ ເລັງ ເປັງ ລອງ ເລ­ຂາ­ທິ­ການ​ໃຫຍ່​ສະ­ພາ​ແຫ່ງ​ຊາດ ແຫ່ງ​ຣາ​ຊະ​ອາ­ນາ­ຈັກ​ກຳ­ປູ­ເຈຍ ພ້ອມ​ຄະ­ນະ ໃນ​ໂອ­ກາດ​ທີ່​ເດີນ­ທາງ​ມາ​ຢ້ຽມ­ຢາມ ແລະ ເຮັດ​ວຽກ​ຢູ່ ສປປ ລາວ ແຕ່​ວັນ​ທີ 3-6ຕຸ­ລາ​ນີ້.

ການ​ຢ້ຽມ­ຢາມ ສປປ ລາວ ຂອງ​ຄະ­ນະ​ຜູ້​ແທນ​ຣາ​ຊະ​ອາ­ນາ­ຈັກ​ກຳ­ປູ­ເຈຍ​ຄັ້ງ​ນີ້ ເພື່ອ​ເສີມ​ສ້າງ​ສາຍ​ພົວ­ພັນ​ມິດ­ຕະ­ພາບ ແລະ ການ​ຮ່ວມ​ມື​ອັນ​ດີ­ງາມ​ທີ່​ມີ​ມາ​ແຕ່​ດົນ​ນານ ລະ­ຫວ່າງ ສປປ ລາວ ແລະ ຣາ​ຊະ​ອາ­ນາ­ຈັກ​ກຳ­ປູ­ເຈຍ ເວົ້າ​ລວມ ເວົ້າ​ສະ­ເພາະ ລະ­ຫວ່າງ​ສອງ​ອົງ­ການ​ນິ­ຕິ­ບັນ­ຍັດ ກໍ​ຄື​ສອງ​ອົງ­ການ​ບໍ­ລິ­ຫານ​ຂອງ​ສະ­ພາ​ແຫ່ງ​ຊາດ ລາວ-ກຳ­ປູ­ເຈຍ ໃຫ້​ຂະ­ຫຍາຍ­ຕົວ ແລະ ເກີດ​ດອກ​ອອກ​ຜົນ​ຍິ່ງໆ​ຂຶ້ນ.

ໂອ­ກາດ​ດັ່ງ­ກ່າວ​ນີ້ ທ່ານ​ຮອງ​ປະ­ທານ​ສະ­ພາ​ແຫ່ງ​ຊາດ ໄດ້​ໃຫ້­ການ​ຕ້ອນ­ຮັບ ແລະ ຊົມ­ເຊີຍ​ຄະ­ນະ​ຜູ້​ແທນ​ດັ່ງ­ກ່າວ ທີ່​ໄດ້​ເດີນ­ທາງ​ມາ​ຢ້ຽມ­ຢາມ ສປປ ລາວ ຄັ້ງ​ນີ້ ແລະ ຍັງ​ໄດ້​ຖື​ໂອ­ກາດ​ນີ້ ອວຍ­ພອນ​ໃຫ້​ຄະ­ນະ​ຜູ້​ແທນ ເດີນ­ທາງ​ກັບ​ຄືນ​ປະ­ເທດ​ດ້ວຍ​ຄວາມ​ສະ­ຫວັດ­ດີ​ພາບ.

ຂ່າວ​ແຈ້ງ​ຕື່ມ​ອີກ: ວັນ​ທີ 3 ຕຸ­ລາ 2012 ສອງ​ຝ່າຍ​ຍັງ​ໄດ້​ພົບ​ປະ​ທີ່​ສະ­ພາ​ແຫ່ງ​ຊາດ ຊຶ່ງ​ຝ່າຍ​ລາວ​ນຳ​ໂດຍ​ທ່ານ ອຸ່ນ​ແກ້ວ ບຸດ​ທິ​ລາດ ຫົວ­ໜ້າ​ຫ້ອງ​ວ່າ­ການ​ສະ­ພາ​ແຫ່ງ​ຊາດ ແລະ ຝ່າຍ​ກຳ­ປູ­ເຈຍ ນຳ​ໂດຍ​ທ່ານ ເລັງ ເປັງ ລອງ ເລ­ຂາ­ທິ­ການ​ໃຫຍ່​ສະ­ພາ​ແຫ່ງ​ຊາດ ແຫ່ງ​ຣາ​ຊະ​ອາ­ນາ­ຈັກ​ກຳ­ປູ­ເຈຍ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s