ຍີ່ປຸ່ນ ເລື່ອນ​ການ​ສົ່ງ​ອອກຊີ້ນງົວ​ໄປ​ຍັງ ສ.ອາ​ເມ​ລິ​ກາ

Standard
ຍີ່ປຸ່ນ ເລື່ອນ​ການ​ສົ່ງ​ອອກຊີ້ນງົວ​ໄປ​ຍັງ ສ.ອາ​ເມ​ລິ​ກາ

    (ຂປລ): ຕາມ​ຂ່າວ NHK, ຍີ່­ປຸ່ນ​ເລື່ອນ​ການ​ສົ່ງ​ອອກ​ຊີ້ນ​ງົວ​ໄປ​ຍັງ ສ.ອາ­ເມ­ລິ­ກາ ໃນ​ນາ­ທີ​ສຸດ​ທ້າຍ    ໂດຍ​ຕາມ​ແຜນ­ການ​ຈະ​ເລີ່ມ​ຂຶ້ນ​ໃນ​ວັນ​ທີ 18ສິງ­ຫາ​ນີ້. ກ່ອນ​ໜ້າ​ນີ້ ການ​ສົ່ງ​ອອກ​ຊີ້ນ​ງົວ​ຈາກ​ຍີ່­ປຸ່ນ​ໄປ​ຍັງ ສ.ອາ­ເມ­ລິ­ກາ ຖືກ​ງົດ​ໄວ້​ເປັນ​ເວ­ລາ 2ປີ ຫລັງ​ເກີດ​ການ­ລະ­ບາດ­ພະ­ຍາດ​ປາກ​ເປື່ອຍ​ລົງ​ເລັບ​ໃນ​ແຂວງມິ​ຢາ​ຊາ​ກິ ທາງ​ພາກ​ຕາ­ເວັນ­ຕົກ​ສຽງ​ໃຕ້​ຂອງ​ປະ­ເທດ.

ເຈົ້າ​ຫນ້າ­ທີ່​ຍີ່­ປຸ່ນ​ກ່າວ​ວ່າ: ສ.ອາ­ເມ­ລິ­ກາ ໄດ້​ຂໍ​ໃຫ້​ງົດ​ການ​ສົ່ງ​ອອກ​ເມື່ອ​ວັນ​ທີ 16ສິງ­ຫາ​ຜ່ານ​ມາ         ເພາະ​ຕ້ອງ­ການ​ກວດ­ກາ​ອີກ​ເທື່ອ​ຫນຶ່ງ ເພື່ອ​ຄວາມ​ປອດ​ໄພ. ດັ່ງ­ນັ້ນ, ຈິ່ງ​ສັ່ງ​ໃຫ້​ໂຮງ­ງານ​ຜະ­ລິດ​ຊີ້ນ​ງົວ​ສົ່ງ​ອອກ 4ແຫ່ງ​ຂອງ​ປະ­ເທດ ງົດ​ການ​ອອກ​ຫນັງ­ສື​ຮັບ­ຮອງ​ການ​ສົ່ງ​ອອກ​ຊີ້ນ​ງົວ​ໄປ​ຍັງ ສ.ອາ­ເມ­ລິ­ກາ.

ແນວ­ໃດ​ກໍ​ຕາມ, ກະ­ຊວງ​ກະ­ສິ­ກຳ​ຂອງ​ຍີ່­ປຸ່ນ ຢືນ­ຢັນ​ວ່າ: ຊີ້ນ​ງົວ​ທີ່​ບໍ­ລິ­ໂພກ​ໃນ​ປະ­ເທດ ແລະ ສົ່ງ​ອອກ   ໄປ​ຕ່າງໆ​ປອດ​ໄພ​ບໍ່​ມີ​ການ​ປົນ​ເປື້ອນ​ສານ​ກຳ​ມັນ​ຕະ​ພາບ​ລັງ­ສີ​ເກີນ​ກວ່າ​ລະ­ດັບ​ທີ່​ທາງ​ການ​ກຳ­ນົດ​ໄວ້,ພ້ອມ ກັນ​ນີ້ ຍັງ​ຈະ​ຂໍ​ໃຫ້​ສ.ອາ­ເມ­ລິ­ກາ ນຳ​ເຂົ້າ​ຊີ້ນ​ງົວ​ຈາກ​ປະ­ເທດ​ຕົນ​ໂດຍ​ໄວ./.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s