ທີເຄ ການບັນເທີງ ສະຫລອງຄົບຮອບ 1 ປີ

Standard

 

ວັນທີ 5 ເດືອນ5 ພສ   2555 ຄ້າຍທີເຄການບັນເທີງ ຖືເອົາເປັນມື້ລືກງາມ ຍາມດີຈັດສະເຫລີມສະຫລອງ ຄົບຮອບ 1 ປີພ້ອມທັງເປີດຕົວສິລະປິນ   ນ້ອງໃຫມ່ນຳອີກໂດຍ ມີຄົນໃນວົງ ການບັນເທີງມາສະແດງ ຄວາມຍິນດີຢ່າງຫລວງຫລາຍ ບໍ່ວ່າຈະເປັນຕົວແທນຄ້າຍເພງ, ສື່ມວນຊົນທຸກຂະແຫນງ ນອກຈາກນັ້ນຍັງມີສິລະປິນ ທຸກຄົນບໍ່ວ່າຈະເປັນຮຸ່ນ ອ້າຍຮຸ່ນເອື້ອຍ.

ງານມື້ນັ້ນ ໄດ້ຈັດພິທີທາງສາສະໜາ ໂດຍການສູ່ຂວັນແລະຖວາຍເພນ ໃຫ້ແກ່ພະສົງ ແລະ ຕອນບ່າຍໄດ້ມີການພົບ ປະສັງສັນມີທັງການສະແດງ ຂອງສິລະປິນໃນຄ້າຍ ແລະ ແຂກທີ່ເຂົ້າ ມາຮ່ວມງານ   ເຊັ່ນ: ໂອລ້າ, ແບຣກອາຍ, ບູຣາຕິໂນ້,  ກາຍບີຮີໂລ, ອາຈານແຕນ ນອກຈາກນັ້ນ ທາງຄ້າຍທີເຄການບັນເທີງ ຍັງໄດ້ເປີດຕົວສິລະປິນນ້ອງໃຫມ່ຄື: ວົງເປຍໂນທີມີສຳມະຊິກ 7  ສາວດ້ວຍກັນ  ແລະ ຫນຸ່ມແຈ໋ກສາຍນ້ຳມອງ  ສິລະປິນແນວເພງ ລູກທົ່ງບ້ານນາຄົນທຳອິດ ຂອງຄ້າຍນຳອີກ.

ສ່ວນຜົນງານໃນ 1  ປີຜ່ານມາຄ້າຍທີເຄການບັນເທີງ ນອກຈາກສ້າງສິລະປິນໄດ້ເຖິງ 13 ກຸ່ມສິລະປິນເຊັ່ນ:  ວົງອິນພຸດ, ໄຮດຼໍລິກ, ອາມບິເຊິນ, ໂຈກເກີ, ໄອທີນ, ສາວຕັກ, ວົງແມັກຊີ ນອກຈາກນັ້ນ ຍັງມີຄ້າຍນ້ອງເກີດຂຶ້ນ ຄືຟຣີດອມເຣັກຄອດ ທ່ີມີສິລະປິນທີ່ຮູ້ຈັກ  ເຊັ່ນ:  ຫນຸ່ມປຸກ,  ຫນຸ່ມບັດ,  ຫນຸ່ມຕ້ອມ, ວົງເອດທຣີວັນ,  ວົງທີໂອພີແລະສາວຕາມົນ  ເຊິ່ງສິລະປິນ ເຫລົ່ານີ້ລ້ວນແຕ່ເກີດຈາກ ທີເຄການບັນເທີງ.

ທາງຄ້າຍຍັງໄດ້ມີໂອກາດ ຈັດກິດຈະກຳດີໆໃຫ້ສັງຄົມເຊັ່ນ: ເດືອນກັນຍາໄດ້້ຈັດກິດຈະກຳ ໄວຫນຸ່ມຍຸກໃຫມ່ຊ່ວຍເຫລືອຜູ້ ປະສົບໄພນ້ຳຖ້ວມ, ໃນເດືອນມັງກອນ-ກຸມພາຈັດກິດ ຈະກຳ ໄວຫນຸ່ມຍຸກໃຫມ່ໃສ່ ໃຈສິ່ງແວດລ້ອມລົງ 5 ໂຮງຮຽນນະຄອນຫລວງວຽງຈັນ ແລະທີ່ຜ່ານມາບໍ່ດົນນີ້ກໍ່ຄືງານ ປະກວດນັກຮ້ອງສຽງດີ  ສ່ອງຟ້າ… ຫາດາວເພື່ອໃຫ້ໄວຫນຸ່ມໄດ້ ໃຊ້ເວລາ ວ່າງໃຫ້ເປັນປະໂຫຍດ.

ສ່ວນແຜນກາ້ວເຂົ້າສູ່ປີ 2 ທາງຄ້າຍໄດ້ມີແຜນຂະຫຍາຍ ວຽກງານໃຫ້ກວ້າງຂຶ້ນຄື: ເພີ່ມການຜະລິດເພງໃນ ແນວລູກທົ່ງບ້ານນາ,  ຮັບຈັດງານອີເວັນໃຫ້ ກັບພາກສ່ວນຕ່າງໆ, ຈັດຕັ້ງ ຫລັກສູດການເຕັ້ນ,  ການຈັດທຳລາຍການວິທະຍຸ….  ໃຫ້ກັບໄວຫນຸ່ມໃນໄລຍະ ພັກພາກຮຽນນອກຈາກນັ້ນ ຍັງຈະສືບຕໍ່ຈັດການປະກວດ ກ່ຽວກັບນັກຮ້ອງນຳອີກ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s