ນັກເຕະອີຣ່ານ ເກືອບຖືກລະເບີດກາງເກມເອເອຟຊີ ແຊັມປຽນລີກ

Standard
ນັກເຕະອີຣ່ານ ເກືອບຖືກລະເບີດກາງເກມເອເອຟຊີ ແຊັມປຽນລີກ

         ອະເດວ ໂຄລາຄາດ ກອງກາງຂອງເຊປາຮານ ພົບປະສົບການສຸດສະຫຍອງຂັວນ ກາງເກມເຕະບານເອເອຟຊີ ແຊັມປຽນລີກ ຮອບ 8 ທີມສຸດທ້າຍນັດທໍາອິດ ທີ່ເປີດຖິ່ນພົບ ອັນ-ອາລີ ເອສຊີ ຫຼັງຜູ້ກ່ຽວຮູ້ເທົ່າບໍ່ເຖິງການ ແກວ່ງ ວັດຖຸຕ້ອງສົງໄສຈົນເກີດການລະເບີດຂຶ້ນ ໂຊກດີຍັງບໍ່ມີຜູ້ໃດໄດ້ຮັບບາດເຈັບ.
ສໍານັກຂ່າວຕ່າງປະເທດລາຍງານເມື່ອວັນທີ 20 ກັນຍາຜ່ານມາວ່າ ການແຂ່ງຂັນ ເຕະບານເອເອຟຊີ ແຊັມ ປຽນລີກ ຮອບ 8 ທີມສຸດທ້າຍນັດທໍາອິດ ທີ່ເຊປາຮານ ກັບ ອັນ-ອາລີ ເອສຊີ ສະເໝີກັນໄປ 0-0 ເມື່ອວັນພຸດທີ່ຜ່ານ ມາ ເກືອບຈະມີເຫດຮຸນແຮງເກີດຂຶ້ນ ຫຼັງພົບວັດຖຸຕ້ອງສົງໄສໃນສະໜາມ.
ໂດຍໃນການແຂ່ງຂັນ ຫຼັງຈາກທີ່ທາງຝ່າຍຂອງ ອັນ-ອາລີ ໄດ້ລູກເຕະມຸມ ກໍາມະການກໍໄດ້ເປົ່າຢຸດເກມ ເນື່ອງ ຈາກມີກອງເຊຍ ແກວ່ງສິ່ງຂອງລົງມາໃນສະໜາມຈົນເກືອບຈະຖືກກໍາມະການກໍາກັບເສັ້ນໄປໜ້ອຍດຽວ ແລະ ໃນລະ ຫວ່າງທີ່ຜູ້ຕັດສິນຈະຢິບເອົາວັດຖຸທີ່ວ່າ ໄປຂຽນລາຍງານຢູ່ນັ້ນ ອະເດວ ໂຄລາຄາດ ກອງກາງຂອງທີມເຊປາຮານ ທີ່ກໍາ ລັງຍ່າງເກັບເອົາຂີ້ເຫຍື້ອອອກຈາກພື້ນສະໜາມ ໄດ້ຢິບເອົາວັດຖຸສີດໍາຊົງກົມຕ້ອງສົງໄສທີ່ຄ້າຍຈະເປັນກ້ອນຫີນ ໂຍນ ອອກໄປນອກສະໜາມ ເຮັດໃຫ້ວັດຖຸດັ່ງກ່າວເກີດລະເບີດຂຶ້ນ ຊຶ່ງຖືວ່າເປັນໂຊກດີທີ່ ບໍ່ມີຜູ້ໃດໄດ້ຮັບບາດເຈັບ.
ຈາກການກວດສອບໃນພາຍຫຼັງ ກໍໄດ້ມີການສັນນິຖານວ່າວັດຖຸທີ່ຄ້າຍຄືກ້ອນຫີນນັ້ນອາດຈະເປັນພຽງໝາກກະ ໂພກທີ່ຖືກນໍາມາໃຊ້ ສ້າງສະຖານະການໃຫ້ເກີດຄວາມວຸ່ນວາຍໃນເກມເທົ່ານັ້ນ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s