ນາຍົກອັງກິດຂໍໂທດຍາດເຫຍື່ອ “ຮິວໂບໂຣ” ສຳລັບຄວາມອະຍຸຕິທໍາ

Standard
ນາຍົກອັງກິດຂໍໂທດຍາດເຫຍື່ອ “ຮິວໂບໂຣ” ສຳລັບຄວາມອະຍຸຕິທໍາ

     ທ່ານເດວິດ ຄາເມີຣອນ ນາຍົກລັດຖະມົນຕີອັງກິດ ຂໍໂທດຄອບຄົວເຫຍື່ອໂສກນາດຕະກໍາ ຮິວໂບໂລ ທີ່ເຮັດ ໃຫ້ກອງເຊຍບານລີເວີພູນ 96 ຄົນຕ້ອງເສຍຊີວິດ ຫຼັງຈາກທີ່ເອກະສານຈາກ ຄະນະກໍາມະການສອບສວນໄດ້ຖືກ ເຜີຍແຜ່ເປັນຄັ້ງທໍາອິດ.
ເມື່ອວັນທີ 12 ກັນຍາທີ່ຜ່ານມາ ຄະນະກໍາມະການສອບສວນອິດສະລະໄດ້ເປີດເຜີຍເອກະສານການສອບ ສວນເຖິງເຫດການຮິວໂບໂຣ ໃນການແຂ່ງຂັນເອຟເອ ຄັບ ລະຫວ່າງທີມລີເວີພູນ ແລະ ນອດຕິງແຮມ ຟໍເຣສ ທີ່ເຊບຟິວ ເມື່ອປີ 1989 ຊຶ່ງທີ່ຜ່ານມາ ເຈົ້າໜ້າທີ່ຕໍາຫຼວດ ລວມເຖິງສື່ມວນຊົນບາງແຫຼ່ງຊີ້ຄວາມຜິດໄປທີ່ກອງ ເຊຍບານສຳລັບເຫດການທີ່ເກີດຂຶ້ນ ຫຼ້າສຸດ ທ່ານເດວິດ ຄາເມີຣອນ ໄດ້ຢືນຢັນວ່າ ຈາກຫຼັກຖານໃໝ່ທີ່ໄດ້ຈາກ ການສອບສວນນັ້ນ ໃນຄວາມເຫັນສ່ວນຕົວນັ້ນເຫັນໄດ້ຈະແຈ້ງວ່າ ຄອບຄົວຂອງເຫຍື່ອນັ້ນບໍ່ໄດ້ຮັບຄວາມຍຸຕິ ທໍາ ແລະ ເປັນເລື່ອງທີ່ລົ້ມເຫຼວຂອງລັດໃນການປົກປ້ອງຍາດ ອັນເປັນທີ່ຮັກຂອງຄອບຄົວເຫຼົ່ານັ້ນ.
“ຈາກນໍ້າໜັກຂອງຫຼັກຖານໃໝ່ນັ້ນ ເປັນເລື່ອງທີ່ສົມຄວນໃນສະໄໝການດໍາລົງຕໍາແໜ່ງຂອງຂ້າພະເຈົ້າ ທີ່ຈະຕ້ອງກ່າວຂໍໂທດສໍາ ລັບຄອບຄົວຂອງເຫຍື່ອທັງ 96 ຄົນ ສໍາລັບຄວາມທຸກທໍລະມານທີ່ໄດ້ຮັບມາຕະຫຼອດ 23 ປີ ໃນນາມຂອງັດຖະບານ ແລະ ປະເທດ ຂ້າພະເຈົ້າ ຂໍໂທດສໍາລັບຄວາມອະຍຸຕິທໍາທີ່ດໍາເນີນມາຢ່າງຍາວນານ”.
ຂະນະທີ່ສະໂມສອນລີເວີພູນ ໄດ້ອອກຖະແຫຼງການສະແດງຄວາມຍິນດີທີ່ຄວາມຈິງໄດ້ປະກົດວ່າ ກອງເຊຍ ບານນັ້ນເປັນຜູ້ບໍລິສຸດໃນວັນເກີດເຫດ ແຕ່ສິ່ງທີ່ເກີດຂຶ້ນນັ້ນໃນໄລຍະທີ່ຜ່ານມານັ້ນເປັນຄວາມພະຍາຍາມບິດເບືອນ ຄວາມຈິງ ຊຶ່ງເປັນເລື່ອງທີ່ໜ້າເຈັບປວດ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s