ພິ­ທີ​ມອບ-ຮັບ​ລົດ​ບັນ­ທຸກ​ນ້ຳ­ມັນ​

Standard

ລັດ​ວິ​ສາ​ຫະ​ກິດ​ຂົນ­ສົ່ງ​ນ້ຳ­ມັນ​ເຊື້ອ​ໄຟ​ລາວ (ລຂລ) ໄດ້​ຈັດ​ຊື້​ລົດ​ບັນ­ທຸກ​ນ້ຳ­ມັນ​ຈາກ​ບໍ­ລິ­ສັດ ໂຄ​ລາວ ດີ​ວີ​ລົບ​ພິ້ງ ຈຳ­ກັດ ຈຳ­ນວນ 10 ຄັນ ໃນ​ມູນ​ຄ່າ​ຄັນ​ລະ 110.000 ໂດ​ລາ​ສະ­ຫະ­ລັດ.

ທ່ານ ພິນ​ດາ­ລາ ລັບ​ລ່ຽມ​ແສງ ຜູ້­ອຳ­ນວຍ­ການ​ລັດ​ວິ​ສາ​ຫະ​ກິດ​ຂົນ­ສົ່ງ​ນ້ຳ­ມັນ​ເຊື້ອ​ໄຟ​ລາວ ກ່າວ​ວ່າ: ການ​ຈັດ​ຊື້​ລົດ​ບັນ­ທຸກ​ນ້ຳ­ມັນ​ຄັ້ງ​ນີ້ ແມ່ນ​ແນ­ໃສ່​ຜັນ​ຂະ­ຫຍາຍ​ເນື້ອ​ໃນ​ຈິດ­ໃຈ​ອັນ​ເລັ່ງ​ດ່ວນ ພ້ອມ​ນີ້​ກໍ​ເພື່ອ​ປັບ­ປຸງ​ພື້ນ­ຖານ​ວັດ­ຖຸ​ເຕັກ­ນິກ​ໃຫ້ (ລຂລ) ມີ​ຄວາມ​ເຂັ້ມ­ແຂງ ກຽມ­ພ້ອມ​ປະ­ກອບ­ສ່ວນ​ເຂົ້າ​ໃນ​ທິດ​ທາງ​ແຜນ­ການ​ຂອງ​ລັດ​ວິ​ສາ​ຫະ​ກິດ​ນ້ຳ­ມັນ​ເຊື້ອ​ໄຟ​ລາວ (ລນລ) ເຮັດ​ໜ້າ­ທີ່​ບໍ­ລິ­ການ​ຫຼັງ​ການ​ຂາຍ ຮັບ​ໃຊ້​ບັນ­ດາ​ໂຄງ­ການ​ໃຫຍ່ ບໍ­ລິ­ສັດ​ບໍ­ລິ­ການ​ຈັດ​ສົ່ງ​ນ້ຳ­ມັນ​ໃຫ້​ທົ່ວ​ສັງ­ຄົມ​ທີ່ (ລຂລ) ມີ​ສວນ​ຮ່ວມ ລວມ​ທັງ​ການ​ຂົນ­ສົ່ງ​ນຳ​ເຂົ້າ​ຈາກ​ຕ່າງ­ປະ­ເທດ ການ​ຈັດ​ຊື້​ລົດ​ຄັ້ງ​ນີ້ ແມ່ນ​ໄດ້​ຮັບ​ການ​ປະ­ກອບ­ສ່ວນ​ຈາກ​ບໍ­ລິ­ສັດ ໂຄ​ລາວ ດີ​ວີ​ລົບ​ພິ້ງ ຈຳ­ກັດ ເອື້ອ​ອຳ­ນວຍ​ຄວາມ​ສະ­ດວກ​ທາງ​ດ້ານ​ການ​ຊື້-ຂາຍ ຊຶ່ງ​ເລີ່ມ​ຕົ້ນ​ການ​ເຈລະ­ຈາ​ກັນ​ຕັ້ງ­ແຕ່​ກາງ​ປີ 2011 ຈົນ​ຮອດ​ຕົ້ນ​ປີ 2012 ຈຶ່ງ​ໄດ້​ເຊັນ​ສັນ­ຍາ​ຊື້-ຂາຍ​ຮ່ວມ​ກັນ.

ວັນ​ທີ 1 ຕຸ­ລາ 2012 ຜ່ານ​ມາ​ນີ້ ຈຶ່ງ​ໄດ້​ຈັດ​ພິ­ທີ​ມອບ-ຮັບ​ລົດ​ບັນ­ທຸກ​ນ້ຳ­ມັນ​ຢ່າງ​ເປັນ​ທາງ​ການ ຢູ່​ທີ່​ລັດ​ວິ​ສາ​ຫະ​ກິດ​ຂົນ­ສົ່ງ​ນ້ຳ­ມັນ​ເຊື້ອ​ໄຟ​ລາວ ລະ­ຫວ່າງ​ທ່ານ ພິນ​ດາ­ລາ ລັບ​ລ່ຽມ​ແສງ ກັບ​ທ່ານ ກວັກ​ໂຫວ​ກຸນ ປະ­ທານ​ຝ່າຍ​ຂາຍ ພະ​ແນກ​ກົນ​ຈັກ​ໜັກ​ຂອງ​ບໍ­ລິ­ສັດ ໂຄ​ລາວ ດີ​ວີ​ລົບ​ພິ້ງ ຈຳ­ກັດ ຊຶ່ງ​ມີ​ພະ­ນັກ­ງານ​ທີ່​ກ່ຽວ­ຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s