ມວຍລາວ ຍາດໄດ້ 3 ຫຼຽນຄຳ ຊີງແຊັມອາຊີ ທີ່ ສ.ສ ຫວຽດນາມ

Standard
ມວຍລາວ ຍາດໄດ້ 3 ຫຼຽນຄຳ ຊີງແຊັມອາຊີ ທີ່ ສ.ສ ຫວຽດນາມ

     ທີມນັກກີລາມວຍລາວ ສ້າງຜົນງານໄດ້ເກີນຄາດ ຫຼັງຈາກສາມາດຍາດມາໄດ້ 3 ຫຼຽນຄຳ 4 ຫຼຽນເງິນ ແລະ 4 ຫຼຽນທອງ ໃນ ການສົ່ງນັກກີລາ ຈຳນວນ 12 ລຸ້ນ ເຂົ້າຮ່ວມການແຂ່ງຂັນຊົກມວຍ ລາຍການຊີງແຊັມອາຊີ ທີ່ນະຄອນໂຮ່ຈິມິນ ສ.ສ ຫວຽດນາມ ລະຫວ່າງວັນທີ 7-14 ກໍລະກົດ 2012 ເພື່ອເປັນການກະກຽມຄວາມພ້ອມຂອງນັກກີລາລາວ ເຂົ້າຮ່ວມງານມະຫະກຳກີລາ ມະ ຫາວິທະຍາໄລອາຊຽນ ຄັ້ງທີ 16 ທີ່ ສປປ ລາວ ເປັນເຈົ້າພາບທ້າຍປີ 2012 ນີ້.
ພາຍຫຼັງກັບຈາກການແຂ່ງຂັນ ທ່ານ ປາດຖະໜາ ຟອງສະໜຸດ ເລຂາທິການສະຫະພັນມວຍລາວແຫ່ງຊາດ ກ່າວວ່າ: ໃນ ການເຂົ້າຮ່ວມແຂ່ງຂັນຄັ້ງນີ້ ຖືໄດ້ວ່າປະສົມຜົນສຳເລັດເກີນຄາດທີ່ພວກເຮົາຕັ້ງໄວ້ ເນື່ອງຈາກເປັນລາຍການໃຫຍ່ລະດັບອາ ຊີ ມີນັກກີລາເຂົ້າຮ່ວມ 15 ປະເທດ ແຕ່ເຖິງແນວໃດກໍດີ ທາງສະຫະພັນກໍໄດ້ມີການກຽມຄວາມພ້ອມຂອງນັກກີລາເຂົ້າຮ່ວມງານ ມະຫະກຳກີລາມະຫາວິທະຍາໄລອາຊຽນ ຄັ້ງທີ 16 ທີ່ ສປປ ລາວ ເປັນເຈົ້າພາບ ທ້າຍປີ 2012 ນີ້ ເຖິງແມ່ນວ່າ ປັດຈຸບັນ ຈະມີ ພຽງ 3 ປະເທດ ທີ່ແຈ້ງເຈດຈຳນົງສົ່ງນັກກີລາເຂົ້າຮ່ວມ (ມີ 4 ປະເທດ ຈຶ່ງສາມາດຈັດໄດ້) ກໍຕາມ.
ສຳລັບ ນັກກີລາທີ່ສ້າງຜົນງານຍາດຫຼຽນມາໄດ້ຄັ້ງນີ້ ປະກອບມີ: 3 ຫຼຽນຄຳ ຈາກ ທ.ເດດສັກດາ ປະສານສຸກ ທ.ທອງບາງ ເຊື້ອພົມ ທ.ສຸກັນ ໄຕປັນຍາວົງ, 4 ຫຼຽນເງິນ ຈາກ ທ.ເສືອ ທຳມະເກສອນ ທ.ແສງອາລຸນ ຂັນທະລີ ນ.ຄຳມາຍ ລາດຊະວົງ ນ.ວິ ໄລພອນ ຕາຫວານ ແລະ 4 ຫຼຽນທອງ ຈາກ ທ.ແສງຈັນ ສີວົງສາ ນ.ປ້າຍລໍ ໄຊປ່າວ ນ.ພຸດທະສອນ ແກ້ວໄຊຍະວົງ ແລະ ນ.ປາ ລອຍ ບັກກຳ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s