ສະຫະພາບເອີຣົບ ໃຫ້ການຊ່ວຍເຫຼືອແກ່ວຽກງານເກັບກູ້ລະເບີດຢູ່ ສປປ ລາວ

Standard
ສະຫະພາບເອີຣົບ ໃຫ້ການຊ່ວຍເຫຼືອແກ່ວຽກງານເກັບກູ້ລະເບີດຢູ່ ສປປ ລາວ

 

ສະ­ຫະ­ພາບ​ເອີ​ຣົບ ໄດ້​ຕົກ­ລົງ​ໃຫ້­ການ​ຊ່ວຍ­ເຫຼືອ ໂດຍ​ຜ່ານ​ໂຄງ­ການ​ຂອງ​ອົງ­ການ​ສະ­ຫະ​ປະ­ຊາ​ຊາດ ເພື່ອ​ການ​ພັດ­ທະ­ນາ ເປັນ​ຄັ້ງ​ທຳ​ອິດ ໃນ​ມູນ​ຄ່າ 1,3 ລ້ານ​ເອີ​ໂຣ ເພື່ອ​ນຳ​ໃຊ້​ເຂົ້າ​ໃນ​ການ­ເຄື່ອນ­ໄຫວ​ຈັດ​ຕັ້ງ​ປະ­ຕິ­ບັດ​ວຽກ​ງານ​ເກັບ​ກູ້​ລະ­ເບີດ​ຢູ່ ສປປ ລາວ ເປັນ​ໄລ­ຍະ​ເວ­ລາ 3 ປີ ແຕ່​ເດືອນ 9 ປີ 2012-8ປີ 2015ໃນ​ນັ້ນ​ໃຫ້​ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ (UXO Lao) ຈຳ­ນວນ 1ລ້ານ​ເອີ​ໂຣ ແລະ ໃຫ້​ຫ້ອງ­ການ​ຄະ­ນະ​ກຳ­ມະ­ການ​ຄຸ້ມ​ຄອງ​ແຫ່ງ​ຊາດ ເພຶ່ອ​ການ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ​ຢູ່ ສປປ ລາວ ຈຳ­ນວນ 3ແສນ​ເອີ​ໂຣ.

ພິ­ທີ​ເຊັນ​ສັນ­ຍາ​ດັ່ງ­ກ່າວ​ຈັດ​ຂຶ້ນ​ໃນ​ວັນ​ທີ 28 ກັນ­ຍາ 2012 ນີ້ ຢູ່​ທີ່​ຫ້ອງ­ການ​ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ ລະ­ຫວ່າງ​ທ່ານ ມີ​ເຊນ ກອຟ​ຟິນ ອຸ­ປະ​ທູດ​ປະ­ຈຳ​ສຳ­ນັກ­ງານ​ຜູ້­ຕາງ­ໜ້າ​ສະ­ຫະ­ພາບ​ເອີ​ຣົບ ປະ­ຈຳ​ລາວ ແລະ ມິນ​ຟາມ ຜູ້­ຕາງ­ໜ້າ​ອົງ­ການ​ສະ­ຫະ​ປະ­ຊາ​ຊາດ ເພື່ອ​ການ​ພັດ­ທະ­ນາ ປະ­ຈຳ ສປປ ລາວ ໂດຍ​ມີ​ທ່ານ ລີ​ປາວ​ຢາງ ຮອງ​ຫົວ­ໜ້າ​ຫ້ອງ­ການ ກະ­ຊວງ​ແຮງ​ງານ ແລະ ສະ­ຫວັດ­ດີ​ການ-ສັງ­ຄົມ ພ້ອມ​ດ້ວຍ​ອຳ­ນວຍ​ການ​ໂຄງ­ການ​ເກັບ​ກູ້​ລະ­ເບີດ​ແຫ່ງ​ຊາດ ຫົວ­ໜ້າ​ຫ້ອງ­ການ​ຄະ­ນະ​ກຳ­ມະ­ການ​ຄຸ້ມ​ຄອງ​ແຫ່ງ​ຊາດ ເພື່ອ​ການ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ​ຢູ່ ສປປ ລາວ ບັນ­ດາ​ປະ­ເທດ​ຜູ້​ໃຫ້​ທຶນ​ແກ່​ຂະ­ແໜງ­ການ​ເກັບ​ກູ້​ລະ­ເບີດ​ຢູ່​ໃນ​ລາວ ແລະ ພະ­ນັກ­ງານ​ຈາກ​ພາກ­ສ່ວນ​ຕ່າງໆ​ທີ່​ກ່ຽວ­ຂ້ອງ ເຂົ້າ​ຮ່ວມ​ເປັນ​ສັກ­ຂີ​ພິ­ຍານ.

ປັດ­ຈຸ­ບັນ ບັນ­ຫາ​ຂອງ​ລູກ​ລະ­ເບີດ​ບໍ່​ທັນ​ແຕກ​ທີ່​ຕົກ​ຄ້າງ​ຢູ່ ສປປ ລາວ ຍັງ​ເປັນ​ອຸ­ປະ­ສັກ​ອັນ​ໃຫຍ່​ຫຼວງ ໃຫ້​ແກ່​ການ​ລຶ­ບລ້າງ​ຄວາມ­ທຸກ​ຍາກ ແລະ ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ຊາດ ການ​ບັນ­ລຸ​ຜົນ­ສຳ­ເລັດ​ຂອງ​ເປົ້າ​ໝາຍ​ສະ­ຫັດ​ສະ​ວັດ​ດ້ານ​ການ​ພັດ­ທະ­ນາ ອັນ​ດັບ​ທີ 9 ວ່າ​ດ້ວຍ​ການ​ຫຼຸດ­ຜ່ອນ​ຜົນ​ກະ­ທົບ​ຂອງ​ລະ­ເບີດ​ບໍ່​ທັນ​ແຕກ​ທີ່​ຕົກ​ຄ້າງ ເປັນ​ການ​ສະ­ໜັບ­ສະ­ໜູນ​ໃຫ້​ແກ່​ການ​ບັນ­ລຸ​ຜົນ­ສຳ­ເລັດ​ຂອງ 8 ເປົ້າ​ໝາຍ​ສະ­ຫັດ​ສະ​ວັດ​ດ້ານ​ການ​ພັດ­ທະ­ນາ​ອື່ນໆ​ຂອງ​ລັດ­ຖະ­ບານ ກໍ​ຄື​ການ​ບັນ­ລຸ​ຜົນ­ສຳ­ເລັດ​ຂອງ ສປປ ລາວ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s