ເທຄວັນໂດ ເລີ່ມເກັບໂຕ ເຝິກຊ້ອມກຽມກີລາ ມ.ອາຊຽນ

Standard
ເທຄວັນໂດ ເລີ່ມເກັບໂຕ ເຝິກຊ້ອມກຽມກີລາ ມ.ອາຊຽນ

 

ພາຍ­ຫຼັງ​ທີ່​ໄດ້​ມີ​ການ​ຄັດ​ເລືອກ​ເອົາ​ນັກ­ກີ­ລາ​ທີ່​ມີ​ພອນ​ສະ­ຫວັນ ມີ​ຄວາມ​ຮູ້ ແລະ ມີ​ຄວາມ​ສາ­ມາດ ເຂົ້າ​ມາ​ຈຳ­ນວນ​ໜຶ່ງ​ແລ້ວ ສະ­ຫະ­ພັນ​ກີ­ລາ​ເທ​ຄວັນ​ໂດ ກໍ​ໄດ້​ເລີ່ມ​ເອົາ​ນັກ­ກີ­ລາ​ຈຳ­ນວນ 30 ຄົນ ຍິງ 13 ຄົນ ເຂົ້າ​ເກັບ​ໂຕ​ເຝິກ­ຊ້ອມ​ເປັນ​ລະ­ບົບ ໃນ​ຕົ້ນ​ເດືອນ​ກໍ­ລະ­ກົດ 2012 ຜ່ານ​ມາ ທີ່​ສູນ​ກີ­ລາ​ບູ​ຢອງ (ດົງ​ໂດກ) ເພື່ອ​ເປັນ​ການ​ກະ­ກຽມ​ຄວາມ​ພ້ອມ​ດ້ານ​ຕ່າງໆ ເຂົ້າ​ຮ່ວມ​ງານ​ແຂ່ງ­ຂັນ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ (ມ.ອາ​ຊຽນ) ຄັ້ງ​ທີ 16 ທີ່ ສປປ ລາວ ໄດ້​ຮັບ​ກຽດ​ເປັນ​ເຈົ້າ­ພາບ ທ້າຍ​ປີ 2012 ນີ້.

ທ່ານ ສົມ​ພອນ ທຳ​ມະ​ວົງ­ສາ ຜູ້​ຊ່ວຍ​ຄູ​ເຝິກ​ກີ­ລາ​ເທ​ຄວັນ​ໂດ ຊຸດ​ກຽມ ມ.ອາ​ຊຽນ ກ່າວ​ໃນ​ທ້າຍ​ອາ­ທິດ​ທີ່​ຜ່ານ​ມາ​ວ່າ: ປັດ­ຈຸ­ບັນ ພວກ​ເຮົາ​ໄດ້​ເລີ່ມ​ເກັບ​ໂຕ​ເຝິກ­ຊ້ອມ​ນັກ­ກີ­ລາ​ມາ​ໄດ້​ໜຶ່ງ​ອາ­ທິດ​ແລ້ວ ຊຶ່ງ​ນັກ­ກີ­ລາ​ສ່ວນ​ຫຼາຍ​ຈະ​ເປັນ​ນັກ­ກີ­ລາ​ຮຸ່ນ​ສືບ​ທອດ ແລະ ກຳ­ລັງ​ສຶກ​ສາ​ຢູ່​ມະ­ຫາ­ວິ­ທະ­ຍາ­ໄລ​ຕ່າງໆ ຈຳ­ນວນ 30 ຄົນ ຍິງ 13 ຄົນ ໃນ​ນັ້ນ ຈະ​ລົງ​ແຂ່ງ­ຂັນ​ຢູ່ 2 ລາຍ­ການ​ຄື: ປະ­ເພດ​ປຸມ​ເຊ (ຟ້ອນ) 10 ຄົນ ແລະ ປະ­ເພດ​ຕໍ່­ສູ້ 20 ຄົນ ໂດຍ​ມີ​ຄູ​ເຝິກ​ທີ່​ມີ​ປະ­ສົບ​ການ​ຈາກ​ການ​ຄຸມ​ທີມ​ຊາດ​ລາວ ກຽມ​ຊີ­ເກມ ຄື: ທ່ານ ຈິນ ຈັງ ວູ ຈາກ ສ.ເກົາ­ຫຼີ ມາ​ຄອຍ​ເຝິກ­ຊ້ອມ​ໃຫ້ ໃນ​ພາກ​ເຊົ້າ-ພາກ​ບ່າຍ ທາງ​ດ້ານ​ເຕັກ­ນິກ ທັກ​ສະ ລວມ​ເຖິງ​ພະ­ລະ​ກຳ­ລັງ​ຂອງ​ນັກ­ກີ­ລາ ໂດຍ​ໃນ​ເດືອນ​ສິງ­ຫາ ກໍ​ຈະ​ມີ​ການ​ເພີ່ມ​ການ​ເຝິກ­ຊ້ອມ​ໃຫ້​ໜັກ​ກວ່າ​ເກົ່າ ຫຼັງ​ຈາກ​ນັ້ນ ໃນ​ທ້າຍ​ເດືອນ​ກັນ­ຍາ ຄາດ​ວ່າ​ຈະ​ໄປ​ເກັບ​ໂຕ​ເຝິກ­ຊ້ອມ​ທີ່ ສ.ເກົາ­ຫຼີ ເພື່ອ​ເອົາ​ປະ­ສົບ​ການ​ຕື່ມ.

ສຳ­ລັບ​ຄວາມ​ຫວັງ​ໃນ​ການ​ສົ່ງ​ນັກ­ກີ­ລາ​ເຂົ້າ​ຮ່ວມ​ຄັ້ງ​ນີ້ ພວກ​ເຮົາ​ກໍ​ຕັ້ງ​ເອົາ​ໄວ້​ສູງ​ສົມ­ຄວນ ເນື່ອງ​ຈາກ​ພວກ​ເຮົາ​ເປັນ​ເຈົ້າ­ພາບ ແລະ ຈະ​ສູ້​ຊົນ​ເຮັດ​ໃຫ້​ດີ​ທີ່​ສຸດ ເພື່ອ​ຍາດ​ເອົາ​ໄຊ­ຊະ­ນະ ແລະ ກຽດ​ສັກ​ສີ​ມາ­ສູ່​ປະ­ເທດ​ເຮົາ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s