ເບຍລາວ ອຸປະຖຳຫຼັກ ກີລາ ມ.ອາຊຽນ 5 ຕື້ກວ່າກີບ

Standard
ເບຍລາວ ອຸປະຖຳຫຼັກ ກີລາ ມ.ອາຊຽນ 5 ຕື້ກວ່າກີບ

 

ບໍ­ລິ­ສັດ ເບຍ​ລາວ ຈຳ­ກັດ ໃຫ້­ການ​ອຸ­ປະ­ຖຳ​ຫຼັກ​ໃນ​ງານ​ມະ​ຫະ​ກຳ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ ຄັ້ງ​ທີ 16 (ມ.ອາ​ຊຽນ) ທີ່ ສປປ ລາວ ໄດ້​ຮັບ​ກຽດ​ເປັນ​ເຈົ້າ­ພາບ ລະ­ຫວ່າງ​ວັນ​ທີ 12-20 ທັນ­ວາ 2012 ນີ້ ລວມ​ມູນ​ຄ່າ 5 ຕື້ 200 ລ້ານ​ກີບ ໃນ​ນັ້ນ ເປັນ​ເງິນ­ສົດ 500 ລ້ານ​ກີບ.

ພິ­ທີ​ຖະ­ແຫຼງ​ຂ່າວ ແລະ  ເຊັນ​ສັນ­ຍາ​ຜູ້​ອຸ­ປະ­ຖຳ​ຫຼັກ​ຢ່າງ​ເປັນ​ທາງ​ການ ໃນ​ງານ​ມະ​ຫະ​ກຳ​ກີ­ລາ​ມະ­ຫາ­ວິ­ທະ­ຍາ­ໄລ​ອາ​ຊຽນ ຄັ້ງ​ທີ 16 ຈັດ​ຂຶ້ນ​ໃນ​ວັນ​ທີ 10 ກັນ­ຍາ 2012 ຜ່ານ​ມາ ທີ່​ຕຶກ​ກີ­ລາ ກະ­ຊວງ​ສຶກ​ສາ​ທິ​ການ ແລະ ກີ­ລາ ໂດຍ​ການ​ລົງ​ນາມ​ລະ­ຫວ່າງ​ທ່ານ ກິດ­ສະ­ໜາ ວົງ​ໄຊ ຜູ້­ອຳ­ນວຍ­ການ​ບໍ­ລິ­ສັດ​ເບຍ​ລາວ ແລະ ທ່ານ ສຈ.ດຣ.ສຸກ​ກົງ​ແສງ ໄຊ​ຍະ​ເລີດ ອະ­ທິ­ການ​ບໍ­ດີ​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ຮອງ​ປະ­ທານ​ຈັດ​ງານ​ກີ­ລາ ມ.ອາ​ຊຽນ ຄັ້ງ​ທີ 16 ແລະ ເຂົ້າ​ຮ່ວມ​ເປັນ​ສັກ­ຂີ​ພິ­ຍານ​ຂອງ​ທ່ານ ດຣ.ພັນ​ຄຳ ວິ­ພາ​ວັນ ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ​ທິ​ການ ແລະ ກີ­ລາ ປະ­ທານ​ຈັດ​ງານ​ກີ­ລາ ມ.ອາ​ຊຽນ ຄັ້ງ​ທີ 16 ມີ​ບັນ­ດາ​ລັດ­ຖະ­ມົນ­ຕີ​ຊ່ວຍ​ວ່າ­ການ ນັກ­ທຸ­ລະ­ກິດ ຕະ­ຫຼອດ​ຮອດ​ສື່​ມວນ​ຊົນ​ເຂົ້າ​ຮ່ວມ.

ໂອ­ກາດ​ນີ້ ທ່ານ ດຣ.ພັນ​ຄຳ ວິ­ພາ​ວັນ ກ່າວ​ວ່າ: ສຳ­ລັບ​ໃນ​ການ​ກະ­ກຽມ​ຄວາມ​ພ້ອມ​ຂອງ​ກຳ­ມະ­ການ​ຝ່າຍ​ຕ່າງໆ​ໄລ­ຍະ​ຜ່ານ​ມາ ເຫັນ​ວ່າ​ມີ​ຄວາມ​ຄືບ​ໜ້າ​ຫຼາຍ​ສົມ­ຄວນ ເພື່ອ​ເຮັດ​ໃຫ້​ງານ​ທີ່​ມີ​ຄວາມ​ໝາຍ-ຄວາມ​ສຳ­ຄັນ​ນີ້​ໄດ້​ຮັບ​ຜົນ​ດີ ຂ້າ­ພະ­ເຈົ້າ​ຈຶ່ງ​ຮຽກ­ຮ້ອງ​ໃຫ້​ຄະ­ນະ​ຮັບ­ຜິດ­ຊອບ​ຈັດ​ງານ ແລະ ຄະ­ນະ​ກຳ­ມະ­ການ​ຝ່າຍ​ຕ່າງໆ ຈົ່ງ​ເອົາ­ໃຈ­ໃສ່​ປະ­ຕິ­ບັດ​ໜ້າ­ທີ່​ທີ່​ຖືກ​ມອບ​ໝາຍ ໃຫ້​ປະ­ສົບ​ຜົນ­ສຳ­ເລັດ​ຢ່າງ​ຈົບ­ງາມ ບົນ​ຈິດ­ໃຈ​ເປັນ​ເຈົ້າ­ພາບ​ທີ່​ດີ ຮັບ­ປະ­ກັນ​ຄຸນ​ນະ​ພາບ ແລະ ມາດ­ຖານ​ທີ່​ກຳ­ນົດ​ໄວ້.

ທ່ານ​ປະ­ທານ​ຈັດ​ງານ​ກີ­ລາ ມ.ອາ​ຊຽນ ຄັ້ງ​ທີ 16 ຍັງ​ກ່າວ​ຕື່ມ​ອີ​ກວ່າ: ສຳ­ລັບ​ປະ­ຊາ­ຊົນ​ບັນ­ດາ­ເຜົ່າ ພາຍ​ໃນ​ນະ­ຄອນ­ຫຼວງ​ວຽງ​ຈັນ ກໍ່​ຄື​ທົ່ວ​ປະ­ເທດ ຕ້ອງ​ເອົາ­ໃຈ­ໃສ່​ຕິດ­ຕາມ​ເຂົ້າ​ຮ່ວມ​ຊົມ​ຢ່າງ​ຕັ້ງ­ໜ້າ ພ້ອມ​ກັບ​ເປັນ​ເຈົ້າ­ພາບ​ທີ່​ດີ ປະ­ຕິ­ບັດ 6 ສໍ ຂອງ​ນະ­ຄອນ­ຫຼວງ​ວຽງ​ຈັນ ໃຫ້​ດີ ຂ້າ­ພະ­ເຈົ້າ​ຂໍ​ສະ­ແດງ​ຄວາມ​ຊົມ­ເຊີຍ​ທາງ​ບໍ­ລິ­ສັດ ເບຍ​ລາວ ຈຳ­ກັດ ທີ່​ໃຫ້­ການ​ອຸ­ປະ­ຖຳ​ຫຼັກ ພ້ອມ​ດຽວ​ກັນ​ນີ້ ກໍ​ຂໍ​ຮຽກ­ຮ້ອງ​ມາ​ຍັງ​ພາກ­ສ່ວນ ວິ​ສາ​ຫະ​ກິດ ທຸ­ລະ​ກິດ ທັງ​ພາຍ​ໃນ ແລະ ຕ່າງ­ປະ­ເທດ ຈົ່ງ​ປະ­ກອບ­ສ່ວນ​ສະ­ໜັບ­ສະ­ໜູນ​ທາງ​ດ້ານ​ທຶນ­ຮອນ ວັດ­ຖຸ​ອຸ­ປະ­ກອນ ເຂົ້າ​ໃນ​ງານ​ດັ່ງ­ກ່າວ​ຕາມ​ຄວາມ​ສະ­ໝັກ​ໃຈ​ດ້ວຍ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s